మహేష్ మూవీలో హలీవుడ్ నటుడు

 టాలీవుడ్‌ను అంతర్జాతీయ స్థాయిలో నిలబెట్టిన  పాన్ ఇండియా మూవీస్ అయిన  ‘బాహుబ‌లి’, ‘ఆర్ఆర్ఆర్’ వంటి బ్యాక్ టు బ్యాక్ పాన్ ఇండియా సినిమాల‌తో టాలీవుడ్ పేరును ప్రపంచానికి ప‌రిచ‌యం చేశాడు. ప్ర‌స్తుతం  సూపర్ స్టార్  మ‌హేష్‌ బాబు తో రాజమౌళి సినిమా కోసం సిద్ధ‌మౌవున్నాడు.

ఇప్ప‌టికే ప్రీ ప్రొడ‌క్ష‌న్ ప‌నుల‌ను కూడా మొద‌లు పెట్టేశాడు. ఈ చిత్రం గ్లోబ్‌ట్రోట్టింగ్‌ (ప్ర‌పంచం మెత్తం ప్ర‌యాణం చేయ‌డం) అడ్వేంచ‌ర్ యాక్ష‌న్ థ్రిల్ల‌ర్ నేప‌థ్యంలో తెర‌కెక్క‌తున్నట్లు ఇటీవ‌లే ప్ర‌క‌టించిన వియషం తెలిసిందే.ఈ సినిమాపై మ‌హేష్‌ అభిమానులే కాదు ప్రేక్ష‌కులు కూడా ఎంతో ఆస‌క్తితో ఎదురు చూస్తున్నారు.

ఇదిలా ఉంటే ఈ చిత్రానికి సంబంధించిన ఓ వార్త నెట్టింట వైర‌ల్‌గా మారింది. ఈ చిత్రంకోసం ఓ హాలీవుడ్‌ నటుడిని తీసుకోబోతున్నట్లు టాలీవుడ్‌ వర్గాల్లో సమాచారం. ‘xxx’, ‘కెప్టెన్ మార్వెల్‌’, ‘స్టార్‌ వార్స్‌’, ‘స్పైడర్‌ మ్యాన్‌’, ‘అవెంజర్స్‌’, ‘కెప్టెన్‌ అమెరికా’ వంటి బ్లాక్ బస్టర్ చిత్రాల్లో నటించిన శామ్యూల్‌ ఎల్‌ జాక్సన్‌ను ఈ చిత్రంలో ఓ కీలకపాత్ర కోసం సంప్రదించారని టాక్. ఇందులో నిజమెంతుందో తెలియాలంటే ఇంకొన్ని రోజులు వేచి చూడాల్సిందే. ఈ చిత్రం దాదాపు రూ.800 కోట్ల భారీ బ‌డ్జెట్‌తో రూపొంద‌నుంద‌ట‌.