మరో క్రేజ్ ప్రాజెక్టులో యష్

బంగారం కథాంశంతో తల్లి సెంట్మెంట్ తో  పాన్ ఇండియా ప్రేక్షకుల ముందుకోచ్చిన ‘కేజీఎఫ్’..కేజీఎఫ్ 2 చిత్రాలతో  జాతీయ స్థాయిలో గుర్తింపు తెచ్చుకున్నాడు హీరో య‌ష్‌. ముఖ్యంగా ద‌క్షిణాదిలో ఈయ‌న క్రేజ్ బాలీవుడ్ స్టార్ హీరోల‌కు స‌మానంగా ఉంది. ప్ర‌స్తుతం ఈయ‌న ‘మ‌ఫ్టీ’ ఫేం నార్త‌న్‌తో నెక్స్ట్ చిత్రాన్ని చేయ‌బోయ‌తున్నాడు. పాన్ ఇండియా స్థాయిలో అత్యంత భారీ బ‌డ్జెట్‌తో ఈ చిత్రం తెర‌కెక్క‌నుందట‌.

ప్ర‌స్తుతం ప్రీ ప్రొడ‌క్ష‌న్ ప‌నుల‌ను జ‌రుపుకుంటున్న ఈ చిత్రం త్వ‌ర‌లోనే సెట్స్‌పైకి వెళ్ళ‌నుంది. ఇదిలా ఉంటే య‌ష్ త‌దుప‌రి సినిమాకు సంబంధించిన ఓ వార్త నెట్టింట వైర‌ల్‌గా మారింది.ఇండియా గ‌ర్వించదగ్గ ద‌ర్శ‌కుల‌లో శంక‌ర్ ఒక‌డు. హీరోల‌తో సంబంధంలేకుండా కేవ‌లం పోస్ట‌ర్‌పైన ఈయ‌న పేరు ఉంటే చాలు ప్రేక్ష‌కులు థియేట‌ర్‌ల‌కు ప‌రుగులు తీస్తుంటారు.

ప్ర‌స్తుతం ఈయ‌న రామ్‌చ‌ర‌ణ్‌తో ‘Rc15’, క‌మ‌ల్ హాస‌న్‌తో ‘భారతీయుడు-2’ తెర‌కెక్కిస్తున్నాడు. ఈయ‌న ద‌ర్శ‌క‌త్వంలో ఒక్క సినిమా అయినా చేయాల‌ని ఎంతో మంది స్టార్ హీరోలు కోర‌కుంటుంటారు. అయితే తాజాగా ఆ అదృష్టం య‌ష్‌కు త‌గిలిన‌ట్లు తెలుస్తుంది.

కోలీవుడ్ వ‌ర్గాల స‌మాచారం ప్ర‌కారం శంక‌ర్ ద‌ర్శ‌క‌త్వంలో రాకింగ్ స్టార్ య‌ష్‌ ఓ భారీ మూవీని చేస్తున్న‌ట్లు టాక్‌. ఈ ప్రాజెక్ట్‌ను అత్యంత భారీ బ‌డ్జెట్‌తో నెట్‌ఫ్లిక్స్ అండ్ క‌ర‌ణ్ జోహర్ సంయుక్తంగా నిర్మించ‌నున్నార‌ట‌. శంక‌ర్ త‌న క‌మిట్మెంట్‌ల‌ను పూర్తి చేసిన త‌ర్వాత ఈ ప్రాజెక్ట్‌ను ప‌ట్టాలెక్కే అవ‌కాశం ఉంద‌ని తెలుస్తుంది. ఇక ఈ వార్త‌ల్లో నిజ‌మెంతుందో తెలియాలంటే ఇంకొన్ని రోజులు వేచి చూడాల్సిందే.