స‌న్‌రైజ‌ర్స్ హైద‌రాబాద్ జ‌ట్టుకు కోచ్ గా బ్రియాన్ లారా

క్రికెట్ ప్రేమికులను ఒక ఊపు ఊపే ఐపీఎల్‌లో స‌న్‌రైజ‌ర్స్ హైద‌రాబాద్ జ‌ట్టుకు వెస్టిండీస్ దిగ్గజ బ్యాట్స్ మెన్ బ్రియాన్ లారాను హెడ్ కోచ్‌గా నియ‌మిస్తున్న‌ట్లు ఆ జ‌ట్టు యాజ‌మాన్యం ప్ర‌క‌టించింది. వ‌చ్చే సీజ‌న్ నుంచి లారా ఆ బాధ్య‌త‌ల్ని స్వీక‌రిస్తారు.

ఈ ఏడాది ముగిసిన టోర్నీలో టామ్ మూడీ కోచ్ బాధ్య‌త‌లు చేప‌ట్టారు. గ‌త సీజ‌న్‌లో ఆ జ‌ట్టు 8వ స్థానంలో నిలిచిన విష‌యం తెలిసిందే. గ‌త సీజ‌న్‌లో లారా హైద‌రాబాద్ జ‌ట్టుకు స్ట్రాట‌జిక్ అడ్వైజ‌ర్‌గా చేశాడు. బ్యాటింగ్ కోచ్‌గా కూడా బాధ్య‌త‌లు నిర్వ‌ర్తించాడు.

లారా నియామ‌కం గురించి స‌న్‌రైజ‌ర్స్ జ‌ట్టు త‌న ట్విట్ట‌ర్‌లో ప్ర‌క‌ట‌న చేసింది. 2013 నుంచి 2019 వ‌ర‌కు టామ్ మూడీ కోచింగ్ బాధ్య‌త‌లు చేప‌ట్టారు. ఆ స‌మ‌యంలో హైద‌రాబాద్ జ‌ట్టు అయిదుసార్లు ప్లే ఆఫ్స్‌కు వెళ్లింది. 2016లో చాంపియ‌న్‌గా నిలిచింది.