మహేశ్‌బాబు 28లో తరుణ్.. హీరో క్లారిటీ

మహేశ్‌బాబు హీరోగా త్రివిక్రమ్ దర్శకత్వంలో SSMB 28 పేరుతో ఓ కొత్త సినిమా ప్రారంభంకానుంది. అయితే ఈ మూవీలో తరుణ్ ఓ కీలక పాత్రలో కనిపించనున్నాడని సోషల్ మీడియాలో వార్తలు హల్ చల్ చేస్తున్నాయి. ఇప్పటికే చిత్రబృందం తరుణ్‌ని సంప్రదించిందని, రోల్ నచ్చడంతో తరణ్ ఓకే చేసేశారని జోరుగా ప్రచారం జరుగుతోంది. తాజాగా ఈ విషయమై తరుణ్ స్పందించారు. మహేశ్‌బాబు సినిమాతో రీఎంట్రీ ఇవ్వనున్నట్లు జరుగుతోన్న ప్రచారంలో వాస్తవం లేదని చెప్పారు. తాను ఆ సినిమాలో నటించడం లేదని, సోషల్ మీడియాలో వస్తున్న వార్తులన్నీ ఫేక్ అని స్పష్టం చేశారు. తన జీవితంలో ఏం జరిగినా తానే స్వయంగా అభిమానులతో పంచుకుంటా అని క్లారిటీ ఇచ్చారు.