విమానం ఆకాశంలో ఉండగానే పైలట్ల ఫైటింగ్‌

విమానం ఆకాశంలో ఉండగానే ఇద్దరు పైలట్లు ఒకరిపై ఒకరు దాడి చేసుకున్నారు. కాలర్లు పట్టుకుని మరీ పంచ్‌ల వర్షం కురిపించుకున్నారు. విమానం కాక్‌పిట్‌లోనే ఇలా జరిగింది. ఆలస్యంగా వెలుగులోకి వచ్చిన ఈ ఘటన స్విట్జర్లాండ్‌లోని జెనీవాలో చోటుచేసుకుంది. ఎయిర్‌ఫ్రాన్స్‌కు చెందిన విమానం జెనీవా నుంచి ఫ్రాన్స్‌లోని పారిస్‌కు బయల్దేరింది.

విమానం టేకాఫ్‌ అయిన తర్వాత కాక్‌పిట్‌లో ఉన్న పైలట్‌, కోపైలట్‌ మధ్య గొడవ జరిగింది. దీంతో వాళ్లిద్దరూ పిడిగుద్దులు కురిపించుకున్నారు. వెంటనే విమానం స్టాఫ్‌ జోక్యం చేసుకుని వాళ్లకి సర్దిచెప్పారు. నిబంధనలకు విరుద్ధంగా కాక్‌పిట్‌లో ఘర్షణ పడిన ఇద్దరు పైలట్లు సస్పెండ్‌ చేశారు. విమానం సేఫ్‌గా గమ్యస్థానానికి చేరిందని ఎయిర్‌ ఫ్రాన్స్‌ వర్గాలు తెలిపాయి.