100కోట్ల క్లబ్ లో కార్తికేయ – 2

యువహీరో నిఖిల్‌, స్టార్ హీరోయిన్.. హాట్ భామ  అనుపమ పరమేశ్వరన్‌ జంటగా చందు మొండేటి దర్శకత్వంలో రూపొంది ఇటీవల విడుదలై ఘన విజయం సాధించిన చిత్రం  ‘కార్తికేయ-2’.. ఈ చిత్రం వందకోట్ల వసూళ్ల క్లబ్‌లో చేరింది. ఈ సందర్భంగా మొన్న  శుక్రవారం ఏపీలోని కర్నూల్‌లో నిర్వహించిన సమావేశంలో నిర్మాత అభిషేక్‌ అగర్వాల్‌ మాట్లాడుతూ ‘మా సినిమాకు ఇంతటి భారీ విజయాన్ని అందించిన ప్రేక్షకులకు, డిస్ట్రిబ్యూటర్స్‌కు కృతజ్ఞతలు’ అన్నారు.

నిఖిల్‌ మాట్లాడుతూ ‘రాజమౌళి, సుకుమార్‌ మన సినిమాను ప్రపంచస్థాయికి తీసుకెళ్లారు. వారు చూపించిన మార్గంలోనే మేము ఈ సినిమాను జాతీయ స్థాయికి తీసుకెళ్లగలిగాం. ప్రస్తుతం దేశవ్యాప్తంగా 1200 స్క్రీన్స్‌లో ‘కార్తికేయ-2’ ప్రదర్శింపబడటం తెలుగు సినిమా గొప్పతనంగా భావిస్తున్నాం.

నన్ను ఓ కుటుంబ సభ్యుడిలా ఆదరించిన ప్రేక్షకులకు కృతజ్ఞతలు’ అన్నారు. ఈ సినిమా ద్వారా నిఖిల్‌ బాలీవుడ్‌ ప్రేక్షకులకు కూడా చేరువయ్యాడని దర్శకుడు చందు మొండేటి తెలిపారు. తన కెరీర్‌లోనే ఈ సినిమా ఓ మైలురాయిలా నిలిచిందని కథానాయిక అనుపమ పరమేశ్వరన్‌ ఆనందం వ్యక్తం చేసింది. తమ నిర్మాణ సంస్థ పీపుల్స్‌ మీడియా ఫ్యాక్టరీకి ఇది తొలి వందకోట్ల చిత్రమని నిర్మాత టీజీ విశ్వప్రసాద్‌ పేర్కొన్నారు.