‘బ్రహ్మాస్త్ర’ ప్రీరిలీజ్‌. .చీఫ్‌ గెస్ట్‌గా ఎన్టీఆర్‌

అలియాభట్‌, రణ్‌బీర్‌కపూర్‌తో పాటు అమితాబ్‌బచ్చన్‌, అక్కినేని నాగార్జున ప్రధాన పాత్రల్లో రూపొందిన సినిమా ‘బ్రహ్మాస్త్ర’. రెండు భాగాలుగా నిర్మించిన ఈ సినిమాకు బాలీవుడ్‌కు చెందిన అయాన్‌ ముఖర్జీ దర్శకుడిగా వ్యవహరించారు. ఈ సినిమాలోని ఫస్ట్‌పార్ట్‌ ‘శివ’గా త్వరలోనే విడుదలవుతుంది.

ఈ నేపథ్యంలో ప్రమోషన్‌ కార్యక్రమాలను ఇప్పటికే షురూ చేసిన మూవీ టీమ్‌.. సెప్టెంబర్‌ 2న ప్రీరిలీజ్‌ ఫంక్షన్‌కు ఏర్పాట్లు చేస్తోంది. హైదరాబాద్‌లోని రామోజీ ఫిల్మ్‌సిటీలో నిర్వహించే ఈ సినిమా ప్రీరిలీజ్‌ ఫంక్షన్‌కు ప్రముఖ నటుడు ఎన్టీఆర్‌ చీఫ్‌ గెస్ట్‌గా రాబోతున్నారు.

దీనికి సంబంధించిన విషయాన్ని తెలుపుతూ బ్రహ్మాస్త్ర మూవీ టీమ్‌ ఓ వీడియోను రిలీజ్‌ చేసింది. ఈ సినిమాకు తెలుగులో ప్రముఖ దర్శకుడు రాజమౌళి సమర్పకులుగా వ్యవహరిస్తున్నారు. సెప్టెంబర్‌ 9న బ్రహ్మాస్త్ర ఫస్ట్‌ పార్ట్‌ ‘శివ’ విడుదల కానుంది.