అనిల్ అంబానీకి ఐటీ షాక్

రిలయన్స్ గ్రూప్ చైర్మన్ అనిల్ అంబానీకి ఆదాయం పన్ను శాఖ విచారణ నోటీసులు జారీ చేసింది. రెండు స్విస్ బ్యాంకు ఖాతాల్లో రహస్యంగా నిధులను దాచారు అనే దానిపై ఐటీ నోటీసులు జారీ చేసింది. ఈ ఖాతాల్లో దాదాపు 814కోట్లకు పైగా అప్రకటిత నిధులున్నాయి.

వీటికి సంబంధించి రూ.420కోట్లు పన్నుల ఎగవేత జరిగిందని ఐటీ శాఖ తెలిపింది. ఈ క్రమంలోనే నల్లధనం చట్టం కింద ఈ నోటీసులను జారీ చేసినట్లు తెలుస్తుంది. అనిల్ అంబానీ కావాలనే ఉద్ధేశ్య పూర్వకంగానే తన విదేశీ బ్యాంకు ఖాతాల్లో ఉన్న నిధుల గురించి కానీ ఖాతాల గురించి కానీ వివరాలను తెలియజేయలేదు అని వివరించింది.