ఇంటిపై జెండా ఎగరేస్తున్నారా.. ఈ జాగ్రత్తలు తప్పనిసరి

హర్ ఘర్ తిరంగాలో భాగంగా 13 నుంచి 15 వరకు ఇంటిపై జాతీయ జెండా ఎగురవేయాలి అని ప్రధాని మోదీ పిలుపునిచ్చారు. ఈ మేరకు రాష్ట్రాల్లో త్రివర్ణ పతకాల పంపిణీ జరుగుతోంది. అయితే జాతీయ జెండా ఎగురవేసేటప్పుడు కొన్ని జాగ్రత్తలు తప్పకుండా తీసుకోవాలి. అవేంటో ఇప్పుడు చూద్దాం..

* త్రివర్ణ పతకాన్ని జాతీయ దినోత్సవాలు, ప్రభుత్వ వేడుకల్లో మాత్రమే ఎగురవేస్తారు.

* జెండా ఎగురవేసేటప్పుడు కాషాయం రంగు పైకి ఉండాలి

* జాతీయ జెండాను ఏ వస్తువులు, భవనాలు మొదలైన వాటిని కవర్ చేయడానికి ఉపయోగించకూడదు.

* నడిచే దారిలో, నేలపై, నీటిలో వేయకూడదు.

* జెండా మంచిగా ఉండేలా చూసుకోవాలి. చిరిగినా, పాడైనా, నలిగినా, తిరగబడినా వాడకూడదు.

* జాతీయ జెండాను ఎగురవేసే ఎత్తులో మరే ఇతర జెండా ఉండకూడదు.

* డెకరేషన్‌కు జెండా వాడకూడదు.

* జెండాపై ఎటువంటి రాతలు రాయకూడదు. అవసరమైతే పువ్వులు మాత్రమే ఉంచాలి.

* జెండా కట్టే కర్ర మీద పూలు, ఆకులు, దండలు మొదలైనవి పెట్టకూడదు.

* జెండాను డ్రెస్సులుగా కుట్టించకూడదు. నడుము భాగంలో చుట్టకూడదు. రుమాలు, న్యాప్‌కిన్‌ తదితరులుగా వాడకూడదు.

* జెండా కర్రకు చిట్ట చివరన ఎగురవేయాలి. సగం కిందకు దించి ఎగురవేయకూడదు.

* ఫ్లాగ్ కోడ్ నిబంధనలు ఉల్లంఘించినవారికి జైలు శిక్ష పడుతుంది.