గంటకు రూ.10 కోట్లు.. ఫ్యాన్స్‌ కోసం నో చెప్పిన బన్నీ

యాడ్‌లో కేవలం గంటపాటు నటిస్తే రూ.10 కోట్లు ఇస్తామని స్టైలిష్‌స్టార్‌ అల్లుఅర్జున్‌కు బంపర్ ఆఫర్ ఇచ్చింది ఓ సంస్థ. కానీ బన్నీ ఆ ప్రకటనలో నటించడానికి ఇష్టపడలేదు. తనను ఎంతగానో అభిమానించే ఫ్యాన్స్‌కు దానివల్ల నష్టం జరుగుతుందని భావించి రిజక్ట్ చేశాడు. ఇంతకీ బన్నీ అంత డబ్బు వదులుకోవడానికి కారణమైన ఆ యాడ్‌ ఏదో తెలుసా..

సినిమాల్లో బిజీగా ఉన్నప్పటికీ ఓవైపు యాడ్స్‌లోనూ నటిస్తున్నాడు అల్లుఅర్జున్‌. కూల్‌డ్రింక్స్‌, ట్రావెలింగ్‌ సంబంధించిన యాప్‌ల యాడ్స్‌తో పాటు ఫుడ్‌ డెలివరీ యాప్‌లకు సంబంధించి ప్రకటనదారుడిగా నటించారు. తాజాగా
ఓ పొగాకు సంస్థ తమ యాడ్‌ కోసం కేవలం గంటపాటు కెమెరా ముందుకు వస్తే రూ.10 కోట్లు ఇస్తామని బన్నీకి చెప్పింది. అలాంటి ప్రకటనల్లో నటిస్తే ఫ్యాన్స్‌ కూడా తనని చూసి పొగాకు ఉత్పత్తులకు అలవాటు అవుతారని, అందుకే తాను ఆ ప్రకటన చేయను అని రిజక్ట్‌ చేసేశాడు బన్ని. ప్రస్తుతం ఈ వార్త సోషల్‌మీడియాలో వైరల్‌ అవుతోంది. అభిమానులకోసం ఆలోచించి బన్నీ తీసుకున్న నిర్ణయానికి నెటిజన్లు ఫిదా అవుతున్నారు.