మెగా మూవీలో పోలీస్ పాత్రలో రవితేజ

మెగాస్టార్ చిరంజీవి కథానాయకుడిగా మైత్రీ మూవీస్‌   బాబి దర్శకుడుగా ఓ సరికొత్త మూవీని తెరకెక్కిస్తున్న సంగతి విధితమే. ఈ చిత్రానికి ‘వాల్తేరు వీరయ్య’ అనే టైటిల్‌ పరిశీలిస్తున్నారు అని ఫిల్మ్ నగర్లో వార్తలు చక్కర్లు కొడుతున్నాయి . అయితే ఈ మూవీలో మాస్ మహరాజ రవితేజ ఓ కీలక పాత్ర పోషిస్తున్న సంగతి మనకు తెలిసిందే.

ఇటీవలే రవితేజ సెట్లోకి కూడా అడుగుపెట్టారు. చిరు, రవితేజలపై కీలక సన్నివేశాల్ని తెరకెక్కించారు. చిరు, రవితేజ సవతి సోదరులుగా నటించబోతున్నట్టు చిత్రం యూనిట్ సమాచారం. అంతే కాదు.. చిరు ఓ స్మగ్లర్‌గా, రవితేజ ఓ పోలీ్‌సగా కనిపించనున్నారని ఇన్‌ సైడ్‌ వర్గాలు చెబుతున్నాయి.

రవితేజ పోలీస్‌ అవతారం ఎత్తిన చిత్రాలన్నీ హిట్టే. ‘విక్రమార్కుడు’, ‘క్రాక్‌’ చిత్రాలు మంచి విజయాల్ని అందుకొన్నాయి. ఆ సెంటిమెంట్‌ ‘వాల్తేరు వీరయ్య’కు కలిసొచ్చే అవకాశం ఉంది. ఈ చిత్రానికి రాక్ స్టార్ దేవిశ్రీ ప్రసాద్‌ సంగీతం అందిస్తున్నారు.