మెగా అభిమానులకు పండుగ లాంటి వార్త

‘జేమ్స్‌ బాండ్‌’ పాత్రలు అంటే ఒక్క తెలుగు సినిమా ఇండస్ట్రీనే కాదు యావత్  ప్రపంచ వ్యాప్తంగా సినీ అభిమానుల్ని అలరించిన పాత్ర. అలాంటి పాత్రలో ఓ తెలుగు నటుడు కనిపిస్తే..? అంతకంటే అద్భుతం ఏముంటుంది? ఈ అవకాశం మెగా పవర్ స్టార్ .. స్టార్ హీరో  రామ్‌చరణ్‌ని వరించే అవకాశం పుష్కలంగా కనిపిస్తోంది.

ఆ పాత్రని సృష్టించిన చియో హోదారి కోకర్‌ ఇప్పుడు రామ్‌ చరణ్‌ని జేమ్స్‌ బాండ్‌ పాత్రకు అన్ని విధాలా అర్హుడని ట్వీట్‌ చేయడం ఆసక్తిగా మారింది. ‘నో టైమ్‌ టు డై’లో డానియల్‌ క్రేగ్‌ జేమ్స్‌ బాండ్‌గా నటించిన సంగతి తెలిసిందే. డానియల్‌ తరవాత జేమ్స్‌ బాండ్‌ ఎవరు? అనే చర్చ హాలీవుడ్‌లో వాడీ వేడిగా నడుస్తోంది.

ఈ సందర్భంగా చియో ఓ ట్వీట్‌ చేశారు. అందులో జేమ్స్‌ బాండ్‌ పాత్రని సమర్థంగా పోషించగల సత్తా ఉన్న నటుల్లో రామ్‌ చరణ్‌ ఒకరని పేర్కొనడం గమనార్హం. చరణ్‌తో పాటు మరో ముగ్గురు నటుల పేర్లు కూడా ఆయన ప్రస్తావించారు. సోపే దిరుసు, మాథ్యూ గూడే, డామన్‌ ఇద్రిస్‌ పేర్లని సూచించారు. ఈ ట్వీట్‌ ఇప్పుడు వైరల్‌గా మారింది. చియో ట్వీట్‌ చేసిన వెంటనే.. ‘జేమ్స్‌ బాండ్‌ పాత్రకు చరణ్‌ అన్ని విధాలా అర్హుడు’ అంటూ చరణ్‌ అభిమానులు రీ ట్వీట్లు చేస్తున్నారు.