ఊర‌మాస్‌గా ‘లైగ‌ర్’ ట్రైల‌ర్‌

రౌడీ ఫెలో విజ‌య్ దేవ‌ర‌కొండ హీరోగా న‌టించిన  పూరి జ‌గ‌న్నాధ్ ద‌ర్శ‌క‌త్వం వ‌హించిన లేటెస్ట్ మూవీ లైగర్.. ఇందులో రమ్యకృష్ణ,మైక్ టైసన్ ,అనన్య పాండే తదితరులు ప్రధాన పాత్రల్లో నటిస్తున్నారు. ఇటీవ‌లే షూటింగ్ పూర్తి చేసుకున్న ఈ చిత్రం ప్ర‌స్తుతం పోస్ట్ ప్రొడ‌క్ష‌న్ ప‌నుల‌లో బిజీగా ఉంది.

బాక్సింగ్ నేప‌థ్యంలో తెర‌కెక్కిన ఈ చిత్రం వచ్చే నెల ఆగ‌స్టు 25న విడుద‌ల కాబోతుంది. ఇప్ప‌టికే చిత్రం నుండి విడుద‌లైన ప్ర‌చార చిత్రాలు, గ్లింప్స్ సినిమాపైన భారీ అంచ‌నాల‌ను క్రియేట్ చేశాయి. తాజాగా మేక‌ర్స్ ఈ సినిమా ట్రైల‌ర్‌ను విడుద‌ల చేశారు.‘ఒక లయ‌న్‌కి టైగ‌ర్‌కు పుట్టిండాడు.. క్రాస్ బ్రీడ్ స‌ర్ నా బిడ్డ’ అంటూ నటి ర‌మ్య‌కృష్ణ డైలాగ్‌తో ట్రైల‌ర్ ప్రారంభ‌మైంది.

ట్రైల‌ర్ మొత్తం విజ‌య్ ఊరమాస్ లుక్‌తో ఆక‌ట్టుకున్నాడు. ఈ చిత్రంలో విజ‌య్‌కు న‌త్తి ఉన్న‌ట్లు తెలుస్తుంది. విష్ణు శ‌ర్మ సినిమాటోగ్ర‌ఫి బాగుంది. మ‌ణిశ‌ర్మ‌ బ్యాక్‌గ్రౌండ్ మ్యూజిక్ వేరే లెవ‌ల్లో ఉంది. ఇప్ప‌టివ‌ర‌కు సినిమాపై ఉన్న అంచ‌నాల‌ను ట్రైల‌ర్ రెట్టింపు చేసింది. క‌ర‌ణ్‌జోహ‌ర్‌, ఛార్మీతో క‌లిసి పూరి స్వీయ నిర్మాణంలో ఈ చిత్రాన్ని తెర‌కెక్కించాడు.