ఈ వారం ఓటీటీ/థియేటర్లలో సందడి చేసే సినిమాలు ఇవే..

వర్షాలు ప్రారంభం కావడంతో అడుగు తీసి అడుగు బయట పెట్టలేం. ఇక ఎంటర్‌టైన్‌మెంట్‌ కోసం సినిమా థియేటర్లకు వెళ్లేందుకు కాస్త సాహసం చేయాల్సిందే. ఇంట్లో ఉంటే బోరింగ్‌ లేకుండా ఉండేందుకు కొత్త సినిమాలు ఓటీటీలో కూడా సందడి చేయనున్నాయి. ఈ వారం ఓటీటీ/థియేటర్లలో రిలీజ్‌ అయ్యే సినిమాలేంటో తెలుసా..

సమ్మతమే
కిరణ్‌ అబ్బవరం, చాందినీ చౌదరి జంటగా నటించిన సినిమా సమ్మతమే. గోపినాథ్‌ రెడ్డి దర్శకత్వం వహించిన ఈ చిత్రం ఈనెల 15న ఆహాలో స్ట్రీమింగ్‌ అవుతుంది. గోపరాజు రమణ, సప్తగిరి తదితరులు ముఖ్యపాత్రలో నటించారు.

ది వారియర్
రామ్‌, కృతిశెట్టి జంటగా నటించిన చిత్రం ది వారియర్‌. ఈ సినిమా ఈ నెల 14న రిలీజ్‌ కానుంది. ఆది పినిశెట్టి, నదియా, అక్షరా గౌడ తదితరులు ఇందులో ముఖ్యపాత్ర పోషించారు. లింగుస్వామి దర్శకత్వం. దేవిశ్రీ ప్రసాద్‌ సంగీతం అందించారు.

గార్గి
గౌతమ్‌ దర్శకత్వంలో వచ్చిన సినిమా గార్గి. సాయి పల్లవి, ఐశ్వర్య లక్ష్మి, కాళీ వెంకట్‌ తదితరులు ముఖ్య పాత్రలో నటించారు. గోవింద్‌వసంత్‌ సంగీతం. ఈ నెల 15న విడుదల అవుతుంది.

హిట్: ది ఫస్ట్‌ కేస్
శైలేశ్‌కొలను దర్శకత్వం వహించిన హిట్‌ ది ఫస్ట్‌ కేస్‌ ఈ నెల 15న రానుంది. రాజ్‌కుమార్‌ రావు, సాన్య మల్హోత్ర, దలిప్‌ తహిల్‌, శిల్ప శుక్ల తదితరులు నటించారు.

మా నీళ్ల ట్యాంక్‌
సుశాంత్‌, ప్రియా ఆనంద్‌ నటించిన ఈ సినిమా ఈనెల 15న జీ5లో రానుంది. లక్ష్మీ సౌజన్య దర్శకత్వం వహించారు. నరేన్‌ ఆర్కే సిద్ధార్థ్‌ సంగీతం అందిచారు. సుదర్శన్‌, ప్రేమ్‌ సాగర్‌, నిరోష తదితరులు నటించారు.

అమ్మాయి: డ్రాగన్‌ గర్ల్‌
పూజా భలేకర్‌, అభిమన్యు సింగ్‌, మియా ముఖి ముఖ్య పాత్రలో నటించిన సినిమా అమ్మాయి. రామ్‌ గోపాల్‌ వర్మ దర్శకత్వం వహించిన ఈ మూవీ జులై 15న రిలీజ్‌ అవుతుంది.

మై డియర్‌ భూతం
ప్రభుదేవా, మాస్టర్‌ సాత్విక్‌, రమ్య నంబీశన్‌ తదితరులు నటించిన మై డియర్‌ భూతం ఈ నెల 15న సందడి చేయనుంది. ఎస్‌. రాఘవన్‌ దర్శకత్వం వహించగా డి. ఇమ్మాన్‌ సంగీతం అందించారు.