దేశంలో మళ్లీ పెరిగిన కరోనా పాజిటీవ్ కేసులు

దేశంలో మళ్లీ కరోనా పాజిటీవ్ కేసులు పెరిగాయి. నిన్న మంగళవారం 13,086 కేసులు నమోదయిన సంగతి తెల్సిందే. అయితే  తాజాగా  కరోనా పాజిటీవ్ కేసుల సంఖ్య 16,159కి పెరిగింది. దీంతో ఇప్పటివరకు దేశ వ్యాప్తంగా  మొత్తం కేసులు 4,35,47,809కి చేరాయి.

ఇందులో 4,29,07,327 మంది కరోనా మహమ్మారి నుండి కోలుకున్నారు. ఇప్పటివరకు 5,25,270 మంది కరోనా భారీన  మరణించారు. అయితే గత కొన్ని రోజులుగా కరోనా బాధితులు భారీగా పెరుగుతుండటంతో యాక్టివ్‌ కేసులు 1,15,212కు చేరాయి. మంగళవారం ఉదయం నుంచి బుధవారం ఉదయం 8 గంటల వరకు మరో 28 మంది మహమ్మారికి బలవగా, 15,394 మంది బాధితులు డిశ్చార్జీ అయ్యారని కేంద్ర ఆరోగ్యశాఖ వెల్లడించింది.