కోమాలో ఉన్న ఎన్టీఆర్‌ అభిమాని మృతి

ఏపీలోని శ్రీకాళహస్తికి చెందిన ఎన్టీఆర్‌ అభిమాని జనార్దన్‌ మృతిచెందాడు. రోడ్డు ప్రమాదానికి గురై గతకొంతకాలంగా కోమాలో ఉన్న అతడు ఈరోజు చనిపోయాడు. ఇటీవల తన అభిమానులతో విషయాన్ని తెలుసుకున్న ఎన్టీఆర్‌ జనార్దన్‌ కుటుంబసభ్యులతో మాట్లాడారు.

ధైర్యంగా ఉండాలని.. దేవుడిని నమ్మాలని భరోసా ఇచ్చాడు.అంతేకాకుండా జనార్దన్‌ చెవి దగ్గర ఫోన్‌ పెట్టడంతో అతడితో ఎన్టీఆర్‌మాట్లాడే ప్రయత్నం కూడా చేశారు. అయినప్పటికీ విధికి కనికరం పుట్టలేదు. జనార్దన్‌ ఆరోగ్యం మరింత విషమించడంతో ఈరోజు అతడు మృతిచెందాడు. దీంతో తారక్‌ అభిమానులు తీవ్ర ఆవేదన వ్యక్తం చేస్తున్నారు.