కిషన్‌రెడ్డి చేతగాని దద్దమ్మ: బాల్క సుమన్‌

విభజన చట్టం ప్రకారం కేంద్రం ఒక్క హామీ నెరవేర్చకున్నా కేంద్రమంత్రి కిషన్‌రెడ్డి ఎందుకు కేంద్రాన్ని ప్రశ్నించడం లేదని టీఆర్‌ఎస్‌ ఎమ్మెల్యే బాల్క సుమన్‌నిలదీశారు. హైదరాబాద్‌లో మీడియాతో ఆయన మాట్లాడారు.

కేంద్రం నుంచి తెలంగాణకు కిషన్‌రెడ్డి ఒక్క మంచి పనైనా చేయించారా? అని ప్రశ్నించారు. చేతగాని దద్దమ్మగా ఆయన మిగిలిపోయారని ఆగ్రహం వ్యక్తం చేశారు. కిషన్‌రెడ్డిని ఢిల్లీలోని కేంద్ర కార్యాలయాల్లో ఉన్న గుమస్తాలు కూడా గుర్తు పట్టరన్నారు.

‘‘కిషన్‌రెడ్డి తెలంగాణ ద్రోహి. రాష్ట్రంలో కాకుండా ఢిల్లీలో మోడీ, అమిత్‌షా దగ్గర ఎగిరిపడితే బాగుంటుంది. కిషన్‌రెడ్డి వల్ల తెలంగాణకు.. మోడీ వల్ల దేశానికి ఉపయోగం లేదు. పార్లమెంట్‌ సాక్షిగా బీజేపీ వసూళ్ల దందాను నిలదీస్తాం’’ అని బాల్క సుమన్‌ అన్నారు.