TRSలోకి భారీ చేరికలు

తెలంగాణలో జ‌న‌గామజిల్లా పాల‌కుర్తి నియోజ‌క‌వ‌ర్గం పాల‌కుర్తి మండ‌లం బ‌మ్మెర గ్రామ కాంగ్రెస్ పార్టీకి చెందిన 6వ వార్డు స‌భ్యురాలు ఒగ్గుల పావ‌ని ప‌ర‌శురాములు, మ‌రికొంద‌రు పార్టీ గ్రామ నాయ‌కులు 50 మంది కార్య‌క‌ర్త‌లు అధికార పార్టీ అయిన టిఆర్ఎస్ పార్టీలో చేరారు.

రాష్ట్ర పంచాయ‌తీరాజ్‌, గ్రామీణాభివృద్ధి శాఖ మంత్రి ఎర్ర‌బెల్లి ద‌యాక‌ర్ రావు నేతృత్వంలో, ప్ర‌భుత్వ చీఫ్ విప్ దాస్యం విన‌య్ భాస్క‌ర్ స‌మక్షంలో వారు హైద‌రాబాద్ లోని మంత్రుల నివాసంలో గురువారం గులాబీ కుండువాలు క‌ప్పుకున్నారు.

ఈ సంద‌ర్భంగా మంత్రి ఎర్రబెల్లి వారికి స్వాగ‌తం ప‌లికారు. పార్టీలో క‌లిసి, అభివృద్ధి కార్య‌క్ర‌మాల్లో చురుగ్గా పాల్గొనాల‌ని సూచించారు. పార్టీలో కొత్త‌గా చేరిన వారికి కూడా స‌రైన గౌర‌వం ద‌క్కే విధంగా చూస్తామ‌ని మంత్రి తెలిపారు.