నాకు ఆ పాత్ర నచ్చలేదు కానీ.. చేయాల్సి వచ్చింది: సత్యరాజ్‌

యాక్టర్‌ సత్యరాజ్‌ అంటే చాలా మందికి తెలీదు.. కానీ ‘కట్టప్ప’ అంటే మాత్రం ఠక్కున గుర్తొస్తారాయన. ‘బాహుబలి’లో ఆయన చేసిన పాత్ర అంతలా ఎలివేట్‌ అయింది. ఇటీవల ఓ ఇంగ్లిష్‌ పత్రికకు ఇచ్చిన ఇంటర్వ్యూలో ఆయన ఓ ఆసక్తికర విషయాన్ని చెప్పారు. ఓ స్టార్‌ హీరో నటించిన బ్లాక్‌బస్టర్‌ మూవీలో పాత్ర తనకు నచ్చనప్పటికీ చేయాల్సి వచ్చిందన్నారు.

ప్రముఖ బాలీవుడ్‌ నటుడు షారుఖ్‌ఖాన్‌ హీరోగా, దీపికా పదుకొణె హీరోయిన్‌గా నటించిన హిట్‌ మూవీ ‘చెన్నై ఎక్స్‌ప్రెస్‌’. ఈ సినిమాలో సత్యరాజ్‌ దీపిక తండ్రి, లోకల్‌ మాఫియా లీడర్‌గా నటించారు. ఈ సినిమా బ్లాక్‌ బస్టర్‌ అయినా సత్యరాజ్‌కు మాత్రం పెద్దగా గుర్తింపు రాలేదు. ఇదే అంశంపై ఇంటర్వ్యూలో ప్రశ్నించగా ఆయన స్పందించారు.

‘చెన్నై ఎక్స్‌ప్రెస్‌లో తన పాత్ర గురించి చెప్పగానే అంతలా నచ్చలేదని.. కానీ హీరో షారుఖ్‌పై ఉన్న అభిమానంతోనే ఆ మూవీ చేయాల్సి వచ్చిందన్నారు. షారుఖ్‌తో యాక్ట్‌ చేయాలనే ఆ మూవీలో పనిచేసినట్లు తెలిపారు.