క్రికెట్ చరిత్రలోనే రికార్డు

ఐసీసీ అండర్‌-19 మహిళల టీ20 ప్రపంచకప్‌ క్వాలిఫయర్‌ మ్యాచ్‌లో నేపాల్‌ జట్టు చెత్త రికార్డు మూటగట్టుకుంది. యూఏఈతో జరిగిన పోరులో నేపాల్‌ 8 పరుగులకే ఆలౌటై అందరిని విస్మయపరిచింది.

2023లో దక్షిణాఫ్రికా వేదికగా జరుగనున్న ప్రపంచకప్‌ కోసం నేపాల్‌, థాయ్‌లాండ్‌, భూటాన్‌, యూఏఈ, ఖతార్‌ మధ్య క్వాలిఫయింగ్‌ పోటీలు జరుగుతున్నాయి.ఇందులో భాగంగా శనివారం యూఏఈతో జరిగిన పోరులో మొదట బ్యాటింగ్‌కు దిగిన నేపాల్‌ 8.1 ఓవర్లలో 8 పరుగులకు ఆలౌటైంది.

మూడు పరుగులు చేసిన స్నేహ టాప్‌ స్కోరర్‌ కాగా.. ఆరుగురు ప్లేయర్లు సున్నాలు చుట్టారు. యూఏఈ బౌలర్లలో ఆఫ్‌ స్పిన్నర్‌ మహిక గౌర్‌ ఐదు వికెట్లు పడగొట్టింది. అనంతరం ఏడు బంతుల్లోనే యూఏఈ లక్ష్యాన్ని ఛేదించింది.