నేపాల్‌ ఫ్లైట్‌ యాక్సిడెంట్‌.. 14 మృతదేహాలు గుర్తింపు

నేపాల్‌లో ఆదివారం అదృశ్యమైన తారా ఎయిర్‌కు చెందిన విమానం ఆచూకీని అక్కడి ఆర్మీ సోమవారం ఉదయం గుర్తించింది. 22 మందితో అదృశ్యమైన విమానంలో దాదాపు అందరూ చనిపోయినట్లు భావిస్తున్నారు.

వాతావరణం అనుకూలంగా లేకపోవడంతో ఫ్లైట్‌ కొండల అంచులను ఢీకొట్టినట్లు అంచనా వేస్తున్నారు. కొండలను ఢీకొట్టడంతో విమానం 14,500 అడుగుల లోతులో పడిపోయింది. 22 మందిలో ఇప్పటి వరకు 14 మంది మృతదేహాలను నేపాల్ ఆర్మీ వెలికితీసింది. మిగిలిన వారికోసం గాలిస్తున్నారు. 22 మంది ప్రయాణికుల్లో నలుగురు ఇండియన్స్‌ కూడా ఉన్నారు.