Dharuvu No:1 Telugu Political web site in telugu states
వందలు, వేల రూపాయిలు కాదు.. ఏకంగా రూ.కోట్లలో నగదు అకౌంట్లలో జమ అయింది. ఇందులో విచిత్రమేముంది అనుకుంటున్నారా? అయితే మీరు పప్పులో కాలేసినట్లే. అకౌంట్లలో ఎవరో వేస్తే అలా రూ.కోట్లలో నగదు జమకాలేదు. టెక్నికల్‌ ప్రాబ్లమ్‌తో జరిగింది. ఈ ఘటన తమిళనాడుతో పాటు తెలంగాణలోనూ పలువురికి ఈ అనుభవం ఎదురైంది. ఒక్కసారిగా అంతేసి అమౌంట్‌ పడటంతో ఖాతాదారులు షాక్‌కి గురయ్యారు.
వివరాల్లోకి వెళితే తమిళనాడులోని హెచ్‌డీఎఫ్‌సీ బ్యాంక్‌కి చెందిన ఓ బ్రాంచ్‌లో వంద మంది అకౌంట్లలో రూ.13 కోట్ల చొప్పున డబ్బులు పడ్డాయి. దీనిపై ఖాతాదారులు బ్యాంక్‌ అధికారుల దృష్టికి తీసుకెళ్లగా పొరపాటున పడ్డాయని.. ఆ అకౌంట్లను సీజ్‌ చేస్తున్నట్లు పేర్కొన్నారు.
మరోవైపు తెలంగాణలోనూ పలు చోట్ల ఇదే తరహా ఘటనలు జరిగాయి. వికారాబాద్‌ హెచ్‌డీఎఫ్‌సీ బ్యాంక్‌లో అకౌంట్‌ ఉన్న ఓ వ్యాపారికి రూ.18కోట్లకు పైగా జమ అయ్యాయి. మంథనిలో ఓ వ్యక్తికి రూ.13కోట్లు పడ్డాయి. పొరపాటు అలా పడ్డాయని భావించి బ్యాంక్‌ అధికారులు.. ఆయా అకౌంట్ల ట్రాన్సాక్షన్‌ను నిలిపివేశారు.
