బండి సంజయ్‌ అలాంటి ఆరోపణలు చేస్తే లీగల్‌ యాక్షన్‌ తప్పదు: కేటీఆర్‌

బీజేపీ రాష్ట్ర అధ్యక్షుడు బండి సంజయ్‌ హాస్యాస్పద, ఆధార రహిత, బాధ్యతారాహిత్యమైన ఆరోపణలను ఆపకపోతే న్యాయపరమైన చర్యలు తప్పవని టీఆర్‌ఎస్‌ వర్కింగ్‌ ప్రెసిడెంట్‌, మంత్రి కేటీఆర్‌ వార్నింగ్‌ ఇచ్చారు. ప్రజాసంగ్రామ యాత్రలో సంజయ్‌ చేసిన వ్యాఖ్యపై ఆయన మండిపడ్డారు. రాష్ట్రంలో ఇంటర్‌ విద్యార్థుల ఆత్మహత్యలకు కేటీఆర్‌ నిర్వాకమే కారణమంటూ సంజయ్‌ చేసిన కామెంట్స్‌పై ఫైర్‌ అయ్యారు.

ఏమైనా ఆధారాలుంటే ప్రూవ్‌ చేయాలని.. వాటిని పబ్లిక్‌ డొమైన్‌లో పెట్టాలని సవాల్‌ విసిరారు. లేకుంటే ప్రజలకు సారీ చెప్పాలని కేటీఆర్‌ డిమాండ్‌ చేశారు. ప్రచారం కోసం ఇష్టమొచ్చినట్లు మాట్లాడొద్దని ఆయన హితవు పలికారు.