పొలిటికల్‌ టూరిస్టులకు కేసీఆర్‌ భయం పట్టుకుంది: ప్రశాంత్‌రెడ్డి

హనుమకొండ సభలో కాంగ్రెస్‌ అగ్రనేత రాహుల్‌ గాంధీ చేసిన కామెంట్స్‌ చూస్తే జాలేస్తుందని.. ఎవరో ఇచ్చిన స్క్రిప్ట్‌ను చదివి ఆయన తన అజ్ఞానాన్ని బయట పెట్టుకున్నారని తెలంగాణ మంత్రి ప్రశాంత్‌రెడ్డి అన్నారు. తెలంగాణ కంటే గొప్పగా కాంగ్రెస్‌ పాలిత రాష్ట్రాల్లో ఏం చేస్తున్నారో చెబితే బాగుండేదని చెప్పారు. హైదరాబాద్‌లో నిర్వహించిన మీడియా సమావేశంలో ప్రశాంత్‌రెడ్డి మాట్లాడారు.

రాహుల్‌పర్యటనతో తెలంగాణ ప్రజలకు ఒరిగేదీమీ లేదన్నారు. రైతుల పక్షపాతి ఎవరనే విషయం దేశ రైతాంగానికి తెలుసని చెప్పారు. రైతుల పక్షాన పార్లమెంట్‌లో ఏ రోజూ మాట్లాడని రాహుల్‌ గాంధీ.. ఇప్పుడొచ్చి అల్లాఉద్దీన్‌ అద్భుత దీపం చేస్తామంటే తెలంగాణ ప్రజలెవరూ నమ్మరన్నారు. పొలిటికల్‌ టూరిస్టులకు సీఎం కేసీఆర్‌ భయం పట్టుకుందన్నారు.