బాగుందంటేనే శేఖర్ మూవీ చూడండి

 తెలుగు సినిమా ఇండస్ట్రీకి చెందిన సీనియర్ నటుడు.. యాంగ్రీ మెన్ హీరో రాజశేఖర్ హీరోగా ఆయన సతీమణి జీవితా రాజశేఖర్ దర్శకత్వం వహించగా శివానీ రాజశేఖర్,ప్రకాష్ రాజ్,ముస్కాన్ కీలక పాత్రలు పోషించగా బీరం సుధాకర్ రెడ్డి,శివానీ రాజశేఖర్ ,వెంకట శ్రీనివాస్ బొగ్గరం నిర్మాతలుగా వ్యవహరించగా అనూప్ రూబెన్స్ సంగీతం అందించగా తెరకెక్కిన తాజా చిత్రం శేఖర్.

ఈ మూవీ ఈ నెల ఇరవై తారీఖున ప్రేక్షకుల ముందుకు రానున్నది. ఈ చిత్రానికి సంబంధించిన ప్రచార చిత్రం.. ఇటీవల ఈ చిత్రానికి సంబంధించిన ప్రచార చిత్రం, ట్రైలర్ ను  చిత్రం యూనిట్ విడుదల చేసింది.హీరో అడివి శేషు ట్రైలర్ ను లాంచ్ చేశారు.

ఈ మూవీ ఓ హత్యకేసును ఛేదించే మాజీ పోలీసాఫీసర్ చుట్టూ తిరుగుతుంది. ఈ సందర్భంగా హీరో రాజశేఖర్ మాట్లాడుతూ” మేము ఎంతో కష్టపడి ఈ చిత్రాన్ని తీశాము. ఈ మూవీ బాగుందంటేనే సినిమా హాల్స్ కెళ్లి చూడండి” అని ఆయన సినీ అభిమానులకు పిలుపునిచ్చారు.