తీన్మార్‌ మల్లన్న బీజేపీని వదిలేసినట్లేనా?

బీజేపీ నుంచి తీన్మార్‌ మల్లన్న బయటకు వచ్చేశాడా? ఇటీవల ఆయన చేసిన కామెంట్స్‌ చూస్తే అవుననే అనిపిస్తోంది. ఘట్‌కేసర్‌ సమీపంలోని తన అనుచరులతో తీన్మార్‌మల్లన్న ఆదివారం ఓ సమావేశం ఏర్పాటు చేశారు. ఆ మీటింగ్‌లో ఆయన ఆసక్తికర కామెంట్స్‌ చేశారు. తెలంగాణ రాజకీయాలను మార్చేది తమ టీమ్ మాత్రమేనని.. అది బీజేపీ కన్నా లక్ష రెట్లు గొప్పదన్నారు. ఇకపై బీజేపీ ఆఫీస్‌కి వెళ్లనని ప్రకటించారు.

మల్లన్న చేసిన ఈ కామెంట్స్‌ నేపథ్యంలో ఆయన బీజేపీని వీడటం దాదాపు ఖాయమనే ప్రచారం జరుగుతోంది. పార్టీలో ఆశించినస్థాయిలో ప్రాధాన్యత లేకపోవడంతోనే మల్లన్న బీజేపీని వీడి బయటకు వస్తున్నట్లు సమాచారం. అయితే దీనిపై తెలంగాణ బీజేపీ రాష్ట్ర నాయకులెవరూ నోరుమెదపడం లేదు.