ఆ “”హద్దులు”” దాటి నటించను -కీర్తి సురేష్ సంచలన వ్యాఖ్యలు

కీర్తి సురేష్ మహానటి మూవీతో తెలుగు సినిమా ప్రేక్షకుల మదిలో చెరగని ముద్ర వేసుకున్న హోమ్లీ ఫ్యామిలీ హీరోయిన్. చక్కని అభినయంతో పాటు సాంప్రదాయపద్ధతుల్లో కన్పించే అందం కలగల్పి ఇటు యువతను అటు ఫ్యామిలీ ఆడియోన్స్ ను తనవైపు తిప్పుకుంది ఈ ముద్దుగుమ్మ.

తాజాగా కీర్తి సురేష్ పరుశురామ్ దర్శకత్వంలో మహేష్ బాబు హీరోగా వస్తున్న సర్కారు వారి పాట, మెగాస్టార్ చిరంజీవి హీరోగా భోళా శంకర్,నేచూరల్ స్టార్ హీరో నాని హీరోగా వస్తున్న దసరా మూవీలతో పాటు మరికొన్ని ప్రాజెక్టులకు గ్రీన్ సిగ్నల్ ఇచ్చింది. కీర్తి సురేష్ నటించిన సర్కారు వారి పాట వచ్చే నెల పన్నెండో తారీఖున ప్రపంచ వ్యాప్తంగా ప్రేక్షకుల ముందుకు రానున్నది.

ఈ సందర్భంగా కీర్తి ఓ ప్రముఖ టీవీ ఛానెల్ కిచ్చిన ఇంటర్వూ లో మాట్లాడుతూ నాకంటూ కొన్ని హద్దులు ఉన్నాయి. ఆ హద్దులు దాటి నేను నటించను. నన్ను అందరూ ఇంట్లో అమ్మాయిలా చూస్తారు. ఆ నమ్మకాన్ని నేను ఎప్పటికి చెరపను. నటిగా గుర్తింపు ఉన్న కథలను మాత్రమే నేను ఎంచుకుంటాను.  నటిగా నా అభినయాన్ని ప్రేక్షకులు ఇష్టపడుతున్నారు. నా అదృష్టం కొద్ది నాకు అస్కార్ అవకాశమున్న పాత్రలే నాకు దక్కుతున్నాయి. వాటితోనే నేను ప్రేక్షకుల ఆదరణను పొందుతున్నాను. నటిగా కమర్షియల్ సినిమాలతో పాటు ఆర్ట్ ఫిలింస్ చేయాలనుకుంటున్నాను అని అమ్మడు చెప్పుకుంటూ వచ్చింది.