బాహుబలి కంటే పెద్ద సినిమా తీస్తా- బాలీవుడ్ క్రిటిక్ KRK

ఎస్ఎస్ రాజమౌళి దర్శకత్వంలో డీవీవీ దానయ్య నిర్మాతగా మెగా పవర్ స్టార్ రామ్ చరణ్ తేజ్, యంగ్ టైగర్ జూనియర్ ఎన్టీఆర్ హీరోలుగా ఆలియా భట్టు,శ్రియా ,సముద్రఖని,అజయ్ దేవగన్ ప్రధాన పాత్రల్లో నటించగా వచ్చిన RRR, ప్రశాంత్ నీల్ దర్శకత్వంలో రాకింగ్ స్టార్ యష్ హీరోగా వచ్చిన  KGF2  సినిమాలపై బాలీవుడ్ క్రిటిక్ KRK తీవ్ర విమర్శలు చేసిన సంగతి విధితమే.

అయితే వీటికి మించి ఓ పెద్ద సినిమా తీస్తానని  అనౌన్స్ చేశాడు. తన సినిమా ‘దేశద్రోహి 2’ బాహుబలి కంటే పెద్దదని వెల్లడించాడు. ఆ పోస్టర్ ను ట్విట్టర్లో పంచుకున్నాడు. త్వరలోనే షూటింగ్ ప్రారంభం కానుందని చెప్పాడు. కాగా.. దీనిపై నెటిజన్లు స్పందిస్తూ.. ‘నీ సినిమా ఎవరూ అడగలేదు. ఎవరికీ అవసరం లేదు’ అని ఒకరు, ‘భారతదేశం మరో మహమ్మారికి సిద్ధంగా లేదు’ మరొకరు కామెంట్ చేశారు.