కేజీఎఫ్‌ కలెక్షన్స్‌.. మామూలుగా లేవుగా!

కన్నడ స్టార్‌ యశ్‌ హీరోగా ప్రముఖ దర్శకుడు ప్రశాంత్‌ నీల్‌ దర్శకత్వంలో రూపొందించిన ‘కేజీఎఫ్ చాప్టర్‌2’ మూవీ థియేటర్లలో సక్సెస్‌ఫుల్‌గా రన్‌ అవుతోంది. తొలి రోజు నుంచే బ్లాక్‌ బస్టర్‌ హిట్‌ టాక్‌ని సొంతం చేసుకున్న ఈ సినిమా కలెక్షన్స్‌లో దూసుకెళ్తోంది. ఫస్ట్‌ డే వరల్డ్‌వైడ్‌గా రూ.134కోట్లకు పైగా రాబట్టగా.. రెండో రోజు కూడా దాదాపు అంతేస్థాయిలో వసూళ్ల సునామీ సృష్టించింది.

రెండోరోజు సుమారు రూ.105 కోట్ల కలెక్షన్స్‌ వచ్చాయి. దీంతో ఈ సినిమా రెండ్రోజులకే రూ.240కోట్లకు పైగా రాబట్టినట్లు సినిమా వర్గాలు వెల్లడించాయి. మరోవైపు టాలీవుడ్‌లోనూ కేజీఎఫ్‌ కలెక్షన్స్‌ రికార్డు సృష్టించాయి. కేవలం రెండ్రోజుల్లోనే ఈ మూవీ రూ.33 కోట్ల షేర్‌ రాబట్టింది. ఓ డబ్బింగ్‌ సినిమాకు టాలీవుడ్‌లో ఈ స్థాయిలో కలెక్షన్స్‌ రావడం ఇదే మొదటిసారి.