రేపు హైదరాబాద్‌లో మద్యం దుకాణాలు బంద్‌!

హనుమాన్‌ జయంతి నేపథ్యంలో హైదరాబాద్‌ నగరంలో పోలీసులు ఆంక్షలు విధించారు. హనుమాన్‌ శోభాయాత్ర జరనున్నందున సిటీ వ్యాప్తంగా మద్యం దుకాణాలు, బార్లు మూతపడనున్నాయని తెలిపారు. 16వ తేదీ (రేపు) ఉదయం 6 గంటల నుంచి 17వ తేదీ (ఎల్లుండి) ఉదయం 6 గంటల వరకు వైన్‌షాప్‌లు బంద్‌ అవుతాయని తెలిపారు.

మరోవైపు హనుమాన్‌ శోభాయాత్రకి 8వేల మంది పోలీసులతో బందోబస్తు ఏర్పాటు చేశారు. గౌలిగూడలోని రామాలయం నుంచి తాడ్‌బండ్‌లోని హనుమాన్‌ టెంపుల్‌ వరకు సుమారు 12 కిలోమీటర్ల మేర శోభాయాత్ర సాగనుంది. దీంతో పాటు కర్మాన్‌ఘాట్‌లోని హనుమాన్‌ టెంపుల్‌ నుంచి కోఠి మీదుగా మరో శోభాయాత్ర జరగనుంది. ఈ నేపథ్యంలో పోలీసులు పటిష్ట బందోబస్తు ఏర్పాటు చేశారు. సీసీ కెమెరాలు, డ్రోన్లతో నిఘా పెట్టనున్నారు. శోభాయాత్ర జరిగే మార్గంలో డాగ్‌ స్క్వాడ్‌, బాంబు స్క్వాడ్‌లతో చెకింగ్‌ నిర్వహించారు.