ఫ్యాన్స్‌కి చిరు ‘ఆచార్య’ సర్‌ప్రైజ్‌

ప్రముఖ నటుడు చిరంజీవి నటించిన ‘ఆచార్య’ మూవీ టీమ్‌ ఫ్యాన్స్‌కు సర్‌ప్రైజ్‌ ఇచ్చింది. ఈనెల 29 ఈ సినిమా రిలీజ్‌ కానుంది. ఈ నేపథ్యంలో రేపు సాయంత్రం 5.49 గంటలకు ఈ మూవీ ట్రైలర్‌ను విడుదల చేయనున్నారు. అయితే ఈ ట్రైలర్‌ను ఎప్పటిలాగే యూట్యూబ్‌లోనే కాకుండా ఏకకాలంలో 152 థియేటర్లలోనూ రిలీజ్‌ చేసేందుకు మూవీ టీమ్‌ ప్లాన్‌ చేసింది.

ఏపీ, తెలంగాణతో పాటు కర్ణాటక, తమిళనాడులోని మొత్తం 152 థియేటర్లలో ఈ సినిమా ట్రైలర్‌ను విడుదల చేస్తారు. ట్రైలర్‌ విడుదల చేయనున్న థియేటర్ల లిస్ట్‌ను మూవీ టీమ్‌ సోషల్‌ మీడియాలో పోస్ట్‌ చేసింది. ప్రముఖ దర్శకుడు కొరటాల శివ దర్శకత్వంలో రూపొందిన ‘ఆచార్య’ సినిమాపై భారీ అంచనాలు ఉన్నాయి.