Dharuvu No:1 Telugu Political web site in telugu states
నిషేధిత డ్రగ్స్‌ దొరికితే పబ్‌ నిర్వాహకులను రాష్ట్ర బహిష్కరణ చేస్తామని మంత్రి శ్రీనివా్‌సగౌడ్‌ హెచ్చరించారు. డ్రగ్స్‌ను ప్రోత్సహించే వ్యక్తులు తెలంగాణలో ఉండొద్దని, ఎక్కడికైనా పారిపోయాలని స్పష్టం చేశారు.
శనివారం ఆయన పబ్‌ నిర్వాహకులతో టూరిజం ప్లాజా హోటల్‌లో సమావేశం నిర్వహించారు. ‘‘హైదరాబాద్‌లోని 61 పబ్‌లలో నిరంతరం నిఘా పెడుతున్నాం. గతంలో సమావేశం నిర్వహించి, స్పష్టంగా చెప్పినా.. పబ్‌ నిర్వాహకుల్లో మార్పు రాలేదు.
మాకు ఆదాయం ముఖ్యం కాదు. అవసరమైతే అన్ని పబ్‌లను మూసేస్తాం. పబ్‌లలో డ్రగ్స్‌ దందా చేస్తామంటే ఉపేక్షించేది లేదు. పీడీ చట్టం కింద అరెస్టు చేస్తాం’’ అని హెచ్చరించారు.
