తెలంగాణ రైతాంగానికి మంత్రి సబితా ఇంద్రారెడ్డి పిలుపు..!

తెలంగాణ రాష్ట్ర రైతాంగానికి రాష్ట్ర  విద్యాశాఖ మంత్రివర్యులు పటోళ్ల సబితా ఇంద్రారెడ్డి పిలుపునిచ్చారు.బుధవారం వికారాబాద్ జిల్లా నవాబ్ పేట్ మార్కెట్ కమిటీ పాలకవర్గ ప్రమాణ స్వీకార కార్యక్రమంలో మంత్రి సబితా ఇంద్రారెడ్డి మాట్లాడారు.

ఈ సందర్భంగా మంత్రి సబితా ఇంద్రారెడ్డి మాట్లాడుతూ” ముఖ్యమంత్రికేసీఆర్ గారి చొరవతో రాష్ట్రంలో సాగువిస్తీర్ణం గణనీయంగా పెరిగింది. దీంతో కేంద్రంలో ఉన్న బీజేపీ సర్కారు కండ్లు మండి సరికొత్త కుట్రలకు తెరలేపింది. రైతులపై కక్ష కట్టిన బీజేపీ సర్కారును తరిమి తరిమి కొట్టేందుకు రైతన్నలు కల్సి రావాలి ఆమె పిలుపునిచ్చారు.

సీఎం కేసీఆర్ వరి వేయద్దు ప్రత్యామ్నాయ పంటలు వేయండి అని రైతులకు పిలుపునిస్తే బీజేపోళ్లు మాత్రం కేంద్రమే వడ్లు కొంటుంది. మీరు వరినే వేయాలని రైతన్నలను మాటలతో మోసం చేసిన తెలంగాణ రాష్ట్ర బీజేపీ నేతలపై కొనేదాక పోరాడాలని ఆమె అన్నారు.