హైదరాబాద్‌ మెట్రో బంపర్‌ ఆఫర్‌..

హైదరాబాద్‌ మెట్రో రైలు ప్రయాణికులు గుడ్‌ న్యూస్‌. మెట్రో రైలు యాజమాన్యం బంపర్‌ ఆఫర్‌ ప్రకటించింది. హైదరాబాద్‌ మెట్రో రైలులో ‘సూపర్‌ సేవర్‌ కార్డు’తో కొత్త ఆఫర్‌ అందుబాటులోకి తీసుకొచ్చింది. మెట్రో ఎండీ కె.వి.బి రెడ్డి దీన్ని ప్రారంభించారు. ఈ కార్డుతో ఏడాదిలో 100 రోజుల్లో కేవలం రూ.59కే రోజంతా ప్రయాణించవచ్చని మెట్రో వర్గాలు తెలిపాయి.

ఈ సూపర్‌ సేవర్‌ కార్డుతో ఆయా రోజుల్లో హైదరాబాద్‌ సిటీలో ఎక్కడి నుంచి ఎక్కడికైనా వెళ్లొచ్చు. ఏడాదిలో 100 రోజులు అంటే ప్రతి ఆదివారం, ప్రతి రెండు, నాలుగో శనివారాలు ఉన్నాయి. వీటితో పాటు ముఖ్యమైన పండుగల రోజుల్లో అవకాశం కల్పించారు. ఉగాది, రంజాన్‌, మొహరం, ఇండిపెండెన్స్‌ డే, వినాయక చవితి, కృష్ణాష్టమి, దుర్గాష్టమి, దసరా, దీపావళి, బాక్సింగ్‌ డే (డిసెంబర్‌ 26), భోగి, సంక్రాంతి, శివరాత్రి రోజుల్లో ఈ సూపర్‌ సేవర్‌ కార్డు ఆఫర్‌ వర్తిస్తుంది. అంటే ఆ రోజుల్లో కేవలం రూ.59 మాత్రమే చెల్లించి రోజంతా నగరాన్ని చుట్టేయొచ్చన్నమాట.