సరికొత్తగా నితిన్ – దుమ్ములేపుతున్న‘మాచ‌ర్ల నియోజ‌క వ‌ర్గం’ ఫస్ట్ లుక్ వీడియో

తెలుగు సినిమా ఇండస్ట్రీ యువ హీరో నితిన్ న‌టిస్తున్న లేటెస్ట్ చిత్రం ‘మాచ‌ర్ల నియోజ‌క వ‌ర్గం’. ఇప్పటివరకు తాను నటించిన చిత్రాలకు రొటీన్‌కు భిన్నంగా నితిన్ ఈ సారి పొలిటిక‌ల్ థ్రిల్ల‌ర్ క‌థ‌తో రానున్నాడు. ప్ర‌ముఖ ఎడిట‌ర్ ఎంఎస్‌.రాజ‌శేఖ‌ర్ రెడ్డి ద‌ర్శ‌క‌త్వం వ‌హిస్తున్నాడు.

ఇప్ప‌టికే చిత్రం నుంచి విడుదలైన టైటిల్ పోస్ట‌ర్ ప్రేక్ష‌కుల‌ను విప‌రీతంగా ఆక‌ట్టుకుంది. నితిన్ బ‌ర్త్‌డే సంద‌ర్భంగా మేక‌ర్స్ ఈ చిత్రం నుంచి ఫ‌స్ట్ ఎటాక్ వీడియోను విడుద‌ల చేశారు.తాజాగా విడుద‌లైన ఈ వీడియోలో పులి గెట‌ప్‌లో విల‌న్లు నితిన్‌పై క‌త్తుల‌తో దాడి చేస్తుంటే  సింహంలా వాళ్ళ‌కు ఎదురు నిలుస్తూ విల‌న్ల‌ను మ‌ట్టిక‌రిపిస్తున్నాడు.

మణిశర్మ తనయుడు మ‌హ‌తి స్వ‌ర సాగ‌ర్ నేప‌థ్య సంగీతం ప్ర‌త్యేక ఆక‌ర్ష‌ణగా నిలుస్తుంది. ప్ర‌సాద్ మూరెళ్ళ కెమెరాత‌నం గొప్ప‌గా ఉంది. రాజ్‌కుమార్ ఆకెళ్ళ స‌మ‌ర్ప‌ణ‌లో శ్రేష్ఠ్ మూవీస్ బ్యాన‌ర్‌పై సుధాక‌ర్‌రెడ్డి, నిఖితా రెడ్డి నిర్మిస్తున్నారు.