తెలంగాణలో కాంట్రాక్ట్ ఉద్యోగుల రెగ్యుల‌రైజేష‌న్ ప్ర‌క్రియ‌లో మ‌రో ముంద‌డుగు

తెలంగాణ రాష్ట్రంలోని కాంట్రాక్ట్ ఉద్యోగులను రెగ్యుల‌రైజేష‌న్ చేస్తామని సీఎం కేసీఆర్ ఇటీవల జరిగిన బఢ్జెట్ సమావేశాల్లో ప్రకటించిన సంగతి తెల్సిందే. ఈ  ప్ర‌క్రియ‌లో భాగంగా మ‌రో ముంద‌డుగు ప‌డింది. కాంట్రాక్ట్ ఉద్యోగుల క్ర‌మ‌బ‌ద్దీక‌ర‌ణ‌కు సంబంధించి ఆర్థిక శాఖ క‌స‌ర‌త్తును వేగ‌వంతం చేసింది.

అన్ని శాఖ‌ల్లో ప‌ని చేస్తున్న కాంట్రాక్ట్ ఉద్యోగుల క్ర‌మ‌బ‌ద్దీక‌ర‌ణ‌కు ప్ర‌తిపాద‌న‌లు ఇవ్వాల‌ని అన్ని శాఖ‌ల‌ను ఆర్థిక శాఖ కోరుతూ ఉత్త‌ర్వులు జారీ చేసింది. మంజూరైన పోస్టుల్లో రోస్ట‌ర్, రూల్ ఆఫ్ రిజ‌ర్వేష‌న్‌కు అనుగుణంగా ఉన్న కాంట్రాక్ట్ ఉద్యోగుల‌ను క్ర‌మ‌బ‌ద్దీక‌రించ‌నున్నారు. వీలైనంత త్వ‌ర‌గా ప్ర‌తిపాద‌న‌లు పంపాల‌ని ఆర్థిక శాఖ కోరింది.