Dharuvu No:1 Telugu Political web site in telugu states
తెలుగు రాష్ట్రాల్లో RRR మూవీ మేనియా ఇప్పుడు కొనసాగుతోంది. ఏపీ, తెలంగాణతో పాటు ప్రపంచ వ్యాప్తంగా ఈ సినిమా రేపే రిలీజ్‌ అవుతోంది. ఎన్టీఆర్‌, రామచరణ్‌ హీరోలుగా నటించిన ఈ చిత్రానికి రాజమౌళి దర్శకత్వం వహించారు. ఇప్పటికే థియేటర్ల వద్ద సందడి వాతావరణ నెలకొంది. రేపు ఉదయం నుంచి 7 గంటల నుంచి షోలు ప్రారంభం కానున్నాయి. ఈ నేపథ్యంలో హైదరాబాద్‌లో సెషల్‌ బెనిఫిట్‌ షో వేసేందుకు మూవీ టీమ్‌ పర్మిషన్‌ కోరింది.
దీనికి తెలంగాణ ప్రభుత్వం అనుమతించింది. గురువారం అర్ధరాత్రి దాటిన తర్వాత శుక్రవారం ఉదయం 7 గంటలలోపు ప్రత్యేక షోలు వేసేందుకు పర్మిషన్‌ ఇచ్చింది. హైదరాబాద్‌లోని ఐదు థియేటర్లకు అనుమతి లభించింది. కూకట్‌పల్లిలోని భ్రమరాంబ, మల్లికార్జున, విశ్వనాథ్‌, అర్జున్‌ థియేటర్లతో పాటు మూసాపేటలోని శ్రీరాములు థియేటర్లో బెనిఫిట్‌ షో వేసేందుకు రాష్ట్ర ప్రభుత్వం ఓకే చెప్పింది. దీనికి సంబంధించిన ఉత్తర్వులను జారీ చేసింది.
