చిరుతో అందుకే ఒప్పుకున్న -రెజీనా

తెలుగు సినిమా ఇండస్ట్రీలో బక్కపలచు భామ రెజీనా కాసెండ్రా చాలా ప్రత్యేకం. చిన్న సినిమాతో ఎంట్రీచ్చిన ఈ ముద్దుగుమ్మ దాదాపు మీడియమ్ రేంజ్ హీరోలందరి సరసన కథానాయికగా నటించి మెప్పించిన కానీ  స్టార్ హీరోల పక్కన అంతగా అవకాశాలు రాలేదు. ఆకట్టుకొనే అభినయంతో పాటు ఆకర్షించే అందం కూడా తోడవడంతో .. ఆమెకి అవకాశాలకి ఎలాంటి లోటు లేదు.. అయినప్పటికీ తన ప్రయత్నాలు తాను చేస్తోంది.

ప్రస్తుతం రెజీనా కిట్టీలో చెప్పుకోదగ్గ సినిమాలే ఉన్నాయి. రీసెంట్ గా రానా నటించిన ‘1945’లో మంచి పాత్ర పోషించిన ఆమె .. తెలుగు, తమిళ బైలింగ్విల్ మూవీ ‘నేనేనా?’ లో కథానాయికగా నటిస్తోంది. అలాగే తమిళంలో పలుచిత్రాలకు కమిట్ అయింది.

వీటితో పాటు ఆమెకి ఎంతో ప్రత్యేకంగా మారిన సినిమా మెగాస్టార్ ‘ఆచార్య’. కొరటాల శివ దర్శకత్వంలో తెరకెక్కిన ఈ సినిమా వచ్చేనెల్లో థియేటర్స్ లో విడుదల కాబోతోంది. రామ్ చరణ్ ప్రత్యేక పాత్ర పోషిస్తున్న ఇందులో కాజల్ అగర్వాల్ , పూజా హెగ్డే కథానాయికలుగా నటిస్తుండగా..  రెజీనా కాసెండ్రా ఓ ప్రత్యేక గీతంలో మెగాస్టార్ తో కలిసి చిందులేసింది. ‘సానా కష్టం వచ్చిందే మందాకినీ’ అంటూ సాగే ఆ పాటకి మంచి రెస్పాన్స్ వచ్చిన సంగతి తెలిసిందే.