గురుజీ దర్శకత్వంలో విజయ్ దేవరకొండ

తెలుగు సినిమా ఇండస్ట్రీకి చెందిన యువ స్టార్ హీరో… రౌడీ హీరో విజయ్ దేవరకొండ ప్రస్తుతం పూరీ జగన్నాథ్ దర్శకత్వంలో నటిస్తున్న చిత్రం ‘లైగర్’ . ఈ మూవీ బాక్సింగ్ నేపథ్యంలో సాగే ఈ యాక్షన్ థ్రిల్లర్ ఆగస్ట్ 25న ప్రపంచ వ్యాప్తంగా థియేటర్స్ లో విడుదల చేయనున్నట్లు చిత్రం యూనిట్ ప్రకటించింది. ఈ మూవీ తర్వాత నిజానికి హిట్ చిత్రాలకు కేరాఫ్ అడ్రస్ గా నిలిచిన  సుకుమార్ దర్శకత్వంలో విజయ్ సినిమా తెరకెక్కాలి.

అయితే అల్లు అర్జున్ హీరోగా ఇటీవల వచ్చిన పుష్ప మూవీ హిట్ కావడంతో దానికి సీక్వెల్ గా  సుక్కూ ప్రస్తుతం ‘పుష్ప 2’తో ఫుల్ బిజీగా ఉండడంతో శివ నిర్వాణ దర్శకత్వంలో ఓ సినిమా ప్రారంభం కాబోతోందని వార్తలొచ్చాయి. తాజాగా  ఇప్పుడు కొత్త గా మాటల మాంత్రికుడు  త్రివిక్రమ్ శ్రీనివాస్  పేరు వినిపిస్తోంది. ఆయన దర్శకత్వంలో విజయ్ దేవరకొండ ఒక యాక్షన్ ఎంటర్ టైనర్‌లో నటించబోతన్నాడట.

విజయ్‌తో సినిమా చేయడానికి ఉత్సాహం చూపిస్తున్న దర్శకులు ఆయన్ని సంప్రదిస్తే.. త్రివిక్రమ్‌తో సినిమా పూర్తయ్యాకా చూద్దాం అంటున్నాడట. మహేశ్‌బాబుతో సినిమా పూర్తయ్యాకా త్రివిక్రమ్ చేయబోయేది విజయ్ దేవరకొండతోనే అని సమాచారం. అయితే ఈ గ్యాప్‌లో శివ నిర్వాణ సినిమా పట్టాలెక్కిస్తాడా లేక పూరి దర్శకత్వంలోనే ‘జనగణమన’ చిత్రాన్ని మొదలు పెడతాడా అనేది తెలియాల్సి ఉంది. ఏది ఏమైనా త్రివిక్రమ్ దర్శకత్వంలో విజయ్ దేవరకొండ సినిమా చేయడం  ఎవరూ ఊహించనిది అని చెప్పుకోవాలి. మరి ఈ వార్తల్లో నిజానిజాలేంటో తెలియాలంటే కొద్ది రోజులు ఆగాల్సిందే.