గచ్చిబౌలిలో కారు బీభత్సం.. అతివేగమే కొంపముంచింది!

హైదరాబాద్‌: హోలీ పండగ వేళ భాగ్యనగరంలో విషాదం చోటుచేసుకుంది. అతివేగం ముగ్గురు ప్రాణాలను బలిగొంది. నగరంలోని గచ్చిబౌలిలో ఓ కారు బీభత్సం సృష్టించింది. ఎల్లా హోటల్‌ వద్ద జరిగిన ఈ ప్రమాదంలో ముగ్గురు మృతిచెందారు. 

ఎల్లా హోటల్‌ సమీపంలో రోడ్ల మధ్య చెట్లకు నీరు పెడుతున్న మహేశ్వరమ్మ అనే మహిళను కారు బలంగా ఢీకొట్టింది. ఈ ప్రమాద తీవ్రతకు మహేశ్వరమ్మ అక్కడికక్కడే మృతిచెందగా.. అదే వేగంతో వెళ్తూ కారు కూడా బోల్తా పడింది. దీంతో కారులో ఉన్న రోహిత్‌, గాయత్రి తీవ్రంగా గాయపడ్డారు. వారిని చికిత్స కోసం ఏఐజీ తరలించగా.. అక్కడ చికిత్స పొందుతూ ఇద్దరూ మృతిచెందారు.