చరిత్ర మార్చి రాస్తానంటున్న విజయ్ అంటోనీ..ఎవరిది అంటే..?

విజయ్ అంటోనీ బిచ్చగాడు మూవీతో అటు తమిళ ఇండస్ట్రీకి చెందిన సినీ అభిమానులతో పాటు ఇటు తెలుగు సినిమా ప్రేక్షకులను తనవైపు తిప్పుకున్న తమిళ హీరో.  విజయ్ అంటోనీ నటిస్తున్న తాజా లేటెస్ట్ మూవీ బిచ్చగాడు-2 .ఈ మూవీలో కావ్య థాపర్ హీరోయిన్ గా నటిస్తుంది. ఫాతిమా నిర్మాతగా వ్యవహరిస్తుండగా దర్శకత్వ బాధ్యతలతో పాటుగా సంగీతాన్ని అందిస్తూ నిర్మాతగా,ఎడిటింగ్ బాధ్యతలను తీసుకుంటున్నాడు విజయ్ అంటోనీ..

ఈ సినిమాకు సంబంధించిన థీమ్ సాంగ్ ను బుధవారం చిత్రం యూనిట్ విడుదల చేసింది. ఈ సందర్భంగా హీరో కమ్ నిర్మాత కమ్ మ్యూజిక్ డైరెక్టర్ కమ్ డైరెక్టర్ విజయ్ అంటోనీ మాట్లాడుతూ”కోటీశ్వరుడైన కథానాయకుడు బిచ్చగాడుగా ఎందుకు అవతారమెత్తాల్సిన అవసరం వచ్చింది. అతను చేపట్టిన యాంటి బికిలి మిషన్ ఎంటి అనేది ఈ సినిమా యొక్క అసలు ట్విస్ట్” అని అన్నారు.

సంపన్నులే చరిత్రను రాశారు. వాళ్లకు పేదల బతుకుల గురించి తెలియదు. ఆ చరిత్రను మార్చి రాసేందుకు వస్తున్నాడు అంటూ థీమ్ సాంగ్ లో సినిమా కాన్సెప్ట్ తెలియజేశారు చిత్రం యూనిట్. దేవగిల్ ,హారీశ్ పెరడి,జాన్ విజయ్ ఇతర పాత్రల్లో నటిస్తున్న ఈ చిత్రానికి సినిమాటోగ్రఫీః విజయ్ మిల్టన్ ,ఓం ప్రకాశ్ .