ఇంగ్లాండ్ చేతిలో టీమిండియా విమెన్స్ జట్టు పరాజయం

అత్యంత ప్రతిష్టాత్మక విమెన్స్  వన్డే వరల్డ్ కప్ టోర్నీలో టీమిండియా విమెన్స్ జట్టు ఇంగ్లాండ్ చేతిలో ఘోరపరాజయం పాలైంది.వెస్టిండీస్ పై గెలుపుతో మంచి జోష్ లో ఉన్న మిథాలీ రాజ్ సేన ఇంగ్లాండ్ జట్టుపై మాత్రం అదే దూకుడును కొనసాగించలేకపోయింది. బుధవారం మౌంట్ మౌంగనుయి వేదికగా జరిగిన మ్యాచ్ లో నాలుగు వికెట్ల తేడాతో టీమిండియా పరాజయం పాలైంది.

చార్లీ డీన్  ఇరవై మూడు పరుగులకు నాలుగు వికెట్లను ,శ్రుభ్ సోల్ ఇరవై పరుగులకు రెండు వికెట్లను సాధించడంతో టీమిండియా 36.2ఓవర్లలో 134పరుగులకు కుప్పకూలింది. ఓపెనర్ స్మృతి మందన(35),రిచా ఘోష్ (33)మినహా ఎవరు బ్యాటింగ్ లో రాణించలేకపోయారు.

135పరుగుల లక్ష్య ఛేదనను ఇంగ్లాండ్ జట్టు ఆడుతూపాడుతూ చేధించింది. అయితే నాలుగు పరుగులకే ఓపెనర్లు టామీ బ్యూమౌంట్ (1),వ్యాట్ (1) పరుగులకే పెవిలియన్ బాట పట్టారు. అయితే మరో బ్యాట్ విమెన్  హిథర్ నైట్(53*),నాట్ స్కీవర్ (45)క్రీజ్ లో కుదురుకోవడంతో మ్యాచ్ మలుపు తిరిగింది. మొత్తం 31.2ఓవర్లలో ఇంగ్లాండ్ ఆరు వికెట్లను కోల్పోయి 136పరుగులను సాధించింది.టీమిండియా జట్టులో మేఘన సింగ్ ఇరవై ఆరు పరుగులు ఇచ్చి మూడు వికెట్లను సాధించి ఆకట్టుకుంది.

స్కోర్ల వివరాలు

టీమిండియా విమెన్ జట్టు 36.2ఓవర్లలో 134/10

ఇంగ్లాండ్ విమెన్ జట్టు 31.2ఓవర్లలో 136/6