మెగా స్టార్ అభిమానులకు శుభవార్త

తెలుగు సినిమా ఇండస్ట్రీకి చెందిన స్టార్ సీనియర్ హీరో.. మెగాస్టార్ కొణిదెల శివశంకర్ వర ప్రసాద్ ఆలియస్ చిరంజీవి రీఎంట్రీ తర్వాత వరుస సినిమాలతో ఇండస్ట్రీలో తనకు ఎదురులేదంటూ ముందుకు దూసుకెళ్తున్నాడు. చిరు తాజాగా నటిస్తున్న చిత్రం గాడ్ ఫాదర్. రాజకీయ నేపథ్యంలో తెరకెక్కుతున్న ఈ చిత్రాన్ని దర్శకుడు మోహన్ రాజా దర్శకత్వం వహిస్తున్నాడు. మలయాళంలో విజయం సాధించిన లూసిఫర్ చిత్రానికి రీమేక్ ఈ మూవీ.

అయితే ఈ చిత్రంలో బాలీవుడ్ కండల వీరుడు.. స్టార్ హీరో సల్మాన్ ఖాన్ ఓ కీలక పాత్ర పోషిస్తున్నట్లు తెలుస్తుంది. ఇదే అంశం గురించి మెగాస్టార్ చిరంజీవి వెల్లడించారు. సినిమా సెట్ లోతనను కలవడానికి వచ్చిన సల్మాన్ ఖాన్ కు పుష్పగుచ్చం ఇచ్చి వెల్కమ్ చెప్పారు మెగాస్టార్. ఈ సందర్భంగా చిరంజీవి స్పందిస్తూ” భాయ్ సల్మాన్ ఖాను కు స్వాగతం. మీ రాక మాకు ఎంతో సంతోషాన్ని కలిగించింది.

మీతో నేను తెరను పంచుకోవడం చాలా చాలా సంతోషంగా ఉంది. మీరు ఈ సినిమాలో  కన్పిస్తే చాలు తెలుగు సినిమా ప్రేక్షకులకు ఓ మంచి బ్రేక్ తో పాటు కిక్ ను అందిస్తుంది అని ఆయన ట్వీట్ చేశారు. ప్రస్తుతం ఈ చిత్రం షూటింగ్ ముంబై నగరంలో జరుపుకుంటుంది. నయనతార హీరోయిన్ గా నటిస్తున్న ఈ చిత్రాన్ని కొణిదెల సురేఖ సమర్పణలో ఆర్బీ చౌదరీ,ఎన్వీ ప్రసాద్ సంయుక్తంగా నిర్మిస్తున్నారు.ఈ చిత్రానికి సినిమాటోగ్రఫీ నీరవ్ షా… సంగీతం ఎస్ థమన్ ,ఆర్ట్ సురేష్ సెల్వరాజన్ చేస్తున్నారు.