RRR బడ్జెట్ పై జక్కన్న సంచలన వ్యాఖ్యలు

దర్శకవీరుడు జక్కన్న ఎస్ఎస్ రాజమౌళి పాన్ ఇండియా మూవీగా తెరకెక్కిస్తున్న తాజా చిత్రం RRR.ఇందులో మెగా పవర్ స్టార్ రామ్ చరణ్ తేజ్ ,యంగ్ టైగర్ జూనియర్ ఎన్టీఆర్ హీరోలుగా ,అలియా భట్‌, ఓలివియా మోరిస్‌ హీరోయిన్లుగా నటించగా అజయ్ దేవగన్ కీ రోల్ లో నటిస్తున్నాడు.  ఇందులో రామ్ చరణ్  అల్లూరి సీతారామరాజు పాత్రలో నటిస్తుండగా. ఎన్టీఆర్ గిరిజన వీరుడు కొమురం భీమ్ పాత్రలో కనిపించనున్నాడు.

ఇప్పటికే విడుదలైన ఆర్ఆర్ఆర్ ట్రైలర్‏తో ఈ సినిమా ఏ రేంజ్‏లో ఉండబోతుందో హింట్ ఇచ్చారు ఈ ఫిల్మ్ మేకర్స్.ఎంతో ప్రతిష్టాత్మకంగా  డైరెక్టర్ SS రాజమౌళి రూపొందించిన ‘RRR ఈ నెల 25న విడుదల కానుంది.

కాగా.. ఈ సినిమా నిర్మాణ వ్యయంపై జక్కన్న మాట్లాడారు. ప్రొడక్షన్ కాస్ట్ సుమారు రూ.550కోట్లు అయిందని వెల్లడించారు. అయితే, బిజినెస్ ద్వారా ఇప్పటికే అందులో చాలా వరకు రికవరీ అయినట్లు చెప్పారు. ఈ సినిమా కోసం వేల మంది పనిచేసినా ఏ ఒక్కరికి చిన్న హాని జరగలేదన్నారు.