‘గ‌ని’ కొత్త విడుదల తేదీ ఖరారు

తెలుగుసినిమా ఇండస్ట్రీకి చెందిన స్టార్ యువ హీరో మెగా ప్రిన్స్ వరుణ్ తేజ్ హీరోగా రూపొందిన ‘గ‌ని’ కొత్త విడుదల తేదీ ఖరారు చేసింది చిత్రబృందం. గత నెల 25వ తేదీన ప్రేక్షకుల ముందుకు రావాల్సిన ఈ సినిమా భీమ్లా నాయక్ రిలీజ్ అయిన నేపథ్యంలో వాయిదా పడింది. ఇప్పుడు కొత్త తేదీని ప్రకటిస్తూ సోషల్ మీడియాలో తాజాగా అప్‌డేట్ ఇచ్చారు మేకర్స్.

అల్లు అర‌వింద్ స‌మ‌ర్ప‌ణ‌లో అల్లు బాబీ, సిద్ధూముద్ద సంయుక్తంగా నిర్మిస్తున్న ఈ సినిమాకు కిర‌ణ్ కొర్ర‌పాటి ద‌ర్శ‌క‌త్వం వ‌హించారు. బాలీవుడ్ యంగ్ బూటీ సాయి మంజ్రేకర్ ఇందులో వరుణ్ సరసన హీరోయిన్‌గా నటించింది. కాగా, ఈ చిత్రాన్ని ఏప్రిల్ 8వ తేదీన థియేటర్స్‌లో విడుదల చేయనున్నట్టు చిత్రబృందం ప్రకటించింది.

ఇక ఈ సినిమాలో వరుణ్ బాక్సర్‌గా కనిపించబోతున్నాడు.  ఇక ఈ సినిమాలో జగపతి బాబు, ఉపేంద్ర, సునీల్ శెట్టి కీలక పాత్రల్లో కనిపించబోతున్నారు. మిల్కీ బ్యూటీ తమన్నా ఓ స్పెషల్ సాంగ్‌లో సందడి చేయనుంది. ఎస్ ఎస్ థమన్ దీనికి సంగీత దర్శకుడు.