భీమ్లా నాయక్ రివ్యూ- సోషల్ మీడియా టాక్ ఏంటి.. హిట్టా..? ఫట్టా..?

తెలుగు సినిమా ఇండస్ట్రీకి చెందిన స్టార్ హీరో పవర్ స్టార్ పవన్ కళ్యాణ్ ,దగ్గుబాటి రానా ప్రధాన పాత్రల్లో హీరోయిన్స్ నిత్యా మీనన్ ,సంయుక్త మీనన్ ,ఇతర నటులు రావు రామేష్ ,మురళి శర్మ,సముద్ర ఖని ప్రధాన పాత్రల్లో నటించగా సాగర్ కే చంద్ర దర్శకత్వంలో ఈ సినిమాని సితారా ఎంటర్ టైన్ మెంట్స్ బ్యానర్ పై నాగదేవర సూర్యవంశీ నిర్మాతగా ..ఎస్ఎస్ తమన్ సంగీతం వహించగా ఈ రోజు విడుదలైన చిత్రం భీమ్లా నాయక్. ఎన్నో సార్లు విడుదల వాయిదా పడుతూ వస్తుండగా ఈ రోజు ప్రపంచ వ్యాప్తంగా ఈ చిత్రం భారీ అంచనాలతో ప్రేక్షకుల ముందుకు వచ్చింది.ఈ చిత్రానికి మాటల మాంత్రికుడు త్రివిక్రమ్ శ్రీనివాస్ స్ర్కీన్ ప్లే , సంభాషణలు అందించారు.

ఎన్నో భారీ అంచనాలతో సినిమా ప్రేక్షకుల ముందుకు వచ్చిన భీమ్లా నాయక్ చిత్రం గురించి సోషల్ మీడియాలో ఏమనుకుంటున్నారో ఒక లుక్ వేద్దామా..?. తెలంగాణాలో ఇప్పటికే బెనిఫిట్ షోస్ పడగా.. ‘భీమ్లానాయక్’ సినిమాపై సోషల్ మీడియాలో అప్పుడే సందడి మొదలైపోయింది. సినిమా అదిరిపోయిందని, పవర్ స్టార్ యాక్టింగ్ సూపరని, ఎమోషనల్ సీన్స్ లో అదరగొట్టాడని టాక్స్ వినిపిస్తున్నాయి. అలాగే.. సినిమా ఇంటర్వెల్ బ్యాంగ్ అయితే మైండ్ బ్లోయింగ్ అని చెబుతున్నారు.

క్లైమాక్స్ కూడా అద్భుతంగా కుదిరిందని అంటున్నారు.ఇక ‘భీమ్లానాయక్’ చిత్రానికి తమన్ బ్యాక్ గ్రౌండ్ స్కోర్ తో పిచ్చెక్కించాడని అభిమానులు అంటున్నారు. అలాగే.. రానా దగ్గుబాటి కెరీర్ లోనే ఈ సినిమా ది బెస్ట్ అంటున్నారు. నిత్యామీనన్, సంయుక్త మీనన్ సహజమైన నటనను ప్రదర్శించారని చెబుతున్నారు. అలాగే.. రానా తండ్రిగా సముద్రఖని ఎంతో వైవిధ్యంగా నటించాడట. ఆత్మాభిమానానికి, అహంకారానికి మధ్య జరిగిన ఇగో వార్ గా ఈ సినిమా తెరకెక్కింది. అందుకు తగ్గట్టుగానే ఇందులో యాక్షన్ సీక్వెన్సెస్ ఓ రేంజ్ లో ఉన్నాయని ఫ్యాన్స్ అంటున్నారు. మొత్తం మీద పవర్ స్టా్ర్ ‘భీమ్లానాయక్’ చిత్రానికి బెనిఫిట్ షో కే పాజిటివ్  టాక్ వినిపిస్తోంది.