మరో లక్కీ ఛాన్స్ కొట్టేసిన ఖిలాడి భామ

మన తెలుగమ్మాయి అయి ఉండి.. అందాల ఆరబోతలో ఇతర భామలతో పోటీ పడుతోంది డింపుల్ హయతి. వరుణ్ తేజ్ ‘గద్దలకొండ గణేశ్’ చిత్రంలో ఐటెమ్ సాంగ్ తో అదరగొట్టిన డింపుల్.. ఆ తర్వాత కథానాయికగా అవకాశాలు అందుకుంది. ఇటీవల విశాల్ ‘సామాన్యుడు’ మూవీలో కథానాయికగా నటించి మెప్పించిన అమ్మడు… లేటెస్ట్ గా రవితేజ ‘ఖిలాడి’ లో కాస్తంత ఎక్కువ మోతాదులోనే గ్లామర్ ఒలికించింది.

ఇందులో ఏకంగా టూపీస్ బికినీ తొడిగి కుర్రకారు మతులు పోగొట్టింది. ఈ సినిమా ప్రమోషన్స్‌లో సైతం డింపుల్ గ్లామర్ షో టాక్ ఆఫ్ ది టాలీవుడ్ అయింది. ఇప్పుడు ఆ స్కిన్ షోతోనే డింపుల్.. పలు క్రేజీ ప్రాజెక్ట్స్ లో కథానాయికగా అవకాశాలు అందుకుంటోంది.ఫిల్మ్ నగర్ లో  విన్పిస్తున్న సమాచారం ప్రకారం గోపీచంద్, శ్రీవాస్ కలయికలో వస్తున్న మూడో చిత్రంలో హీరోయిన్ గా డింపుల్ హయతిని ఫిక్స్ చేసినట్టు తెలుస్తోంది.

రీసెంట్ ఈ సినిమాను పూజా కార్యక్రమాలతో గ్రాండ్ గా లాంఛ్ చేశారు. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ ఈ సినిమాను నిర్మిస్తున్నారు. కోల్‌కత్తా బ్యాక్ డ్రాప్ లో రూపొందనున్న ఈ భారీ బడ్జెట్ చిత్రానికి డింపుడ్ హయతి గ్లామర్ అపీరెన్స్ ఓ రేంజ్‌లో అడ్వాంటేజ్ అవుతుందని భావిస్తున్నారు మేకర్స్. గోపీచంద్ ప్రస్తుతం నటిస్తున్న మారుతి చిత్రం ‘పక్కా కమర్షియల్’ షూటింగ్ పూర్తికాగానే శ్రీవాస్ చిత్రానికి షిఫ్ట్ అవుతాడు. మరి ఈ వార్తలో నిజానిజాలేంటో చూడాలి.