మంచినీటి పైపులైన్లు, సీసి రోడ్ల ఏర్పాటుకు కృషి చేయాలని ఎమ్మెల్యే Kp కు వినతి

కుత్బుల్లాపూర్ నియోజకవర్గం, గాజులరామారం 125 డివిజన్ పరిధిలోని ప్రాగటూల్స్ కు చెందిన సంక్షేమ సంఘం సభ్యులు ఈరోజు ఎమ్మెల్యే కేపి వివేకానంద్ గారిని తన నివాసం వద్ద మర్యాదపూర్వకంగా కలిశారు. ఈ సందర్భంగా తమ కాలనీలో మంచినీటి పైపు లైన్లు, సీసి రోడ్ల ఏర్పాటుకు కృషి చేయాలని కోరుతూ ఎమ్మెల్యే గారికి వినతి పత్రాన్ని అందజేశారు.

ఈ మేరకు ఎమ్మెల్యే గారు స్పందించి వెంటనే సంబంధిత అధికారులతో ఫోన్ లో మాట్లాడారు. కాలనీలో ఆయా మౌలిక సదుపాయాల కల్పనకు అవసరమైన నిధుల ప్రతిపాదనలు సిద్ధం చేసి పనులు వేగంగా చేపట్టేలా చర్యలు తీసుకోవాలని ఆదేశించారు.

ఈ కార్యక్రమంలో నాయకుడు పరుష శ్రీనివాస్ యాదవ్, కాలనీ వెల్ఫేర్ అసోసియేషన్ అధ్యక్షుడు రమణ, వర్కింగ్ ప్రెసిడెంట్ జంగారెడ్డి, ట్రెజరర్ గోపాల్ రెడ్డి, చీఫ్ అడ్వైసర్ సోమిరెడ్డి, మెంబర్స్ రామారావు, రామ్ రెడ్డి, రవి యాదవ్, మురళి, రిషిరెడ్డి, కొండారెడ్డి, వెంకటేశం పాల్గొన్నారు.