‘Rx 100’ కాంబో మళ్లీ వస్తోందా..?

తెలుగులో ఘనవిజయం సాధించిన  ‘Rx 100’ కాంబో వస్తోందా..?..ప్రస్తుతం దీనికి సంబంధించిన వార్త ఒకటి సోషల్ మీడియాలో వచ్చి చక్కర్లు కొడుతోంది. అజయ్ భూపతి దర్శకత్వంలో కార్తికేయ గుమ్మకొండ – పాయల్ రాజ్ పుత్ హీరోహీరోయిన్లుగా రూపొందిన చిత్రం ‘Rx 100’. బోల్డ్ కంటెంట్‌తో రొమాంటిక్ లవ్‌స్టోరిగా వచ్చిన ఈ సినిమా మంచి కమర్షియల్ హిట్ సాధించింది.

ఈ సినిమాతో ఓవర్ నైట్ స్టార్స్ అయ్యారు దర్శకుడు అజయ్ భూపతి..హీరోహీరోయిన్లు కార్తికేయ – పాయల్ రాజ్ పుత్. కాగా, మరోసారి అజయ్ భూపతి, కార్తికేయ గుమ్మకొండ కాంబినేషన్‌లో మూవీ ప్లాన్ చేస్తున్నట్టు సమాచారం.

అజయ్ భూపతి దర్శకత్వంలో ఇటీవల వచ్చిన ‘మహా సముద్రం’ భారీ అంచనాల మధ్య వచ్చి ఫ్లాప్ సినిమాగా మిగిలింది. ఇక కార్తికేయ మళ్ళీ  ‘Rx 100’ వంటి బిగ్ హిట్ దక్కలేదు. దాంతో మరోసారి వీరిద్దరు ఓ భారీ హిట్ కొట్టాలనే కసితో కలిసి ఓ సినిమా చేసేందుకు సన్నాహాలు మొదలు పెట్టినట్టు తెలుస్తోంది. మరి అది ‘Rx 100’ మూవీకి సీక్వెల్ ప్లాన్ చేస్తున్నారా..లేక కొత్త కథతో వస్తారా అనేది తెలియాలంటే కొన్నాళ్ళు ఆగాల్సిందే.