‘అలాంటివారివల్లే ప్రపంచం ఇంత అందంగా ఉంటోంది

ఒకప్పటి Team India  బ్యాటింగ్‌ దిగ్గజం సచిన్‌ టెండూల్కర్‌ తన సహృదయతను మరోసారి చాటుకున్నాడు. రోడ్డు ప్రమాదానికి గురైన తన స్నేహితురాలిని కాపాడిన ట్రాఫిక్‌ పోలీసును వ్యక్తిగతంగా కలిసి థ్యాంక్స్‌ చెప్పాడు.

ఇటీవల సచిన్‌ ఫ్రెండ్‌ ఒకరు రోడ్డు ప్రమాదంలో తీవ్రంగా గాయపడ్డారు. ఆ సమయంలో అక్కడ విధుల్లో ఉన్న ట్రాఫిక్‌ పోలీసు వెంటనే స్పందించి ఆమెను ఆటోలో జాగ్రత్తగా ఆసుపత్రికి చేర్చాడు. దాంతో ఆ మహిళకు ప్రాణాపాయం తప్పింది.

ఈ ఘటనను ట్విటర్‌లో వెల్లడించిన సచిన్‌.. ‘అలాంటివారివల్లే ప్రపంచం ఇంత అందంగా ఉంటోంది. ప్రజల ప్రాణాలు కాపాడేందుకు దేశ వ్యాప్తంగా ట్రాఫిక్‌ పోలీసులు ఎంతో శ్రమిస్తున్నారు. వారికి అభినందనలు. మనమంతా ట్రాఫిక్‌ నిబంధనలు పాటిద్దాం’ అని పోస్ట్‌ చేశాడు.